مصر نعمة الرحمن

ياشلال حنان وجبال أمان
يا ولادة بالزيادة للجدعان
ياأرض الكنانة والله يكفانا
إنك يامصر بعنيكى شيلانه
تسلمى ياامه # من كل عتمه

وجمعى الامه بحب و أيمان
ياشلال حنان وجبال امان

ياكبيرة من يومك يامصر
وكل نصر ليكى هوه فخر
ياشايله للكل غصن زتون
ياحامله هم العالم والكون

العراق ف قلبك # فلسطين همك

والسلام دربك لكل البلدان
ياشلال حنان وجبال امان

ومهما سافرت ولفيت وشوفت
برجع يابلدى و كأنى ماطوفت
يوحشنى نيللك وليللك وترابك
يوحشنى حضنك وحسنك وزحامك
اقوللك سامحينى # غيابى على عينى

قوام تضمينى وانسى الحرمان
ياشلال حنان وجبال أمان

يامصر يانعمة الرحمن